Díli, 09 abril 2021 (TATOLI) – Udan-boot ne’ebé akontese iha domingu (04/04), lori estragu ba fasilidade públiku, hanesan estrada, ponte, eletrisidade no kanalizasaun bee-moos iha kuaze territoriu nasionál. Nune’e, fo impaktu bo’ot ba movimentu transporte nian, asesu eletrisidade no asesu bee-moos ba komunidade sira iha area afetadu dezastre natural. 

Iha Aldeia Hatu-Ahu-Hun, Suku Hohorai, Postu Administrativu Laclo, Munisipiu Manatuto, estrada ho ponte ki’ik sira ligasaun Manatuto Vila ba area ne’eba hetan estragu total, Nune’e difikulta tebes transporte publiku no privadu atu asesu ba suku sira iha Postu Administrativu Laclo nian.

Kondisaun ne’e halo komunidade Suku Hohorai, sesta dadeer ne’e, obrigadu halo sakrifisiu hasaan de’it la’o ain hosi nia hela fatin Hohorai ba Laclo ho distansi kilómetru 27.

Fontes: https://tatoli.tl/2021/04/09/familia-hasaan-inan-ida-moras-lao-kilometru-44-hosi-hohorai-too-manatuto-vila/