Ho Nai Maromak nia grasa finalmente Suku Hohorai bele iha ona website ofisial rasik ho enderesu hohorai-manatuto.suku.tl. Website ne'e nudar portal informasaun ne'ebe sei publika informasaun, dokumentasaun no atividades sobre atendimentu publiku, governo no dezenvolvimentu iha area Hohorai rasik. Objetivu prinsipal husi website ne'e hakarak serbi komunidade atraves transparansia informasaun ba publiku. Nudar media informasaun no publikasaun mak bele asesadu atraves internet, variu informasaun no atendimentu publiku mak nesesariu tebes ba komunidade Hohorai espesialmente no mos governo sentral jeralmente, ho nune'e nudar solusaun mak efetivu no efisienti sem limita ba tempo no fatin.