Infraestrutura mak fasilidade no estrutura báziku hotu-hotu, tantu fíziku no sosiál, ne’ebé komunidade ka empreza ida presiza atu hala’o ninia atividade loro loron nian.
Ida-ne’e inklui fundasaun esensiál sira hanesan estrada, rede eletrisidade, bee-moos, telekomunikasaun, no instalasaun públika sira ne’ebé suporta kreximentu ekonómiku no sosiál ne’ebé la’o ho di’ak.
Imagen: Kondisaun estrada dirasaun husi sede do suco ba iha sub aldeia Leobdoron (foto: Adao Soares 03/8)
Funsaun infraestrutura iha papel ne’ebe inportante no hanesan xave iha prosesu dezenvolvimentu nasaun ka suco ida.
Infraestrutura bazika mak nudar dalan uniku hodi hadia konetividade: Fasilita mobilidade ema, sasán, no serbisu sira hosi fatin ida ba fatin seluk. Apoiu kreximentu ekonómiku: Kria empregu foun no atrai investimentu empreza privada nian.
Hadi’a kualidade moris: Asegura katak ema iha asesu ba nesesidade báziku sira hanesan bee-moos, eletrisidade, no serbisu saúde, edukasaun inklui estrada sira.
Maibe realidade hatudu katak iha suco Hohorai Postu Adiministrativu Laclo Municipiu Manatuto infrastrutura baziku hanesan estrada sei sai hanesan dezafiu boot ida ba komunidade sira iha suco Hohorai no suco vizinu sira seluk, kondisaun estrada la favoreze hodi halo movimentasaun sa tan iha tempu udan.
Estrada dirasaun husi Sede Suco ba to’o Kerkruan, kondisaun ladun diak difikulta komunidade sira atu lori produtu local hodi ba faan iha mini mercado sira.
Rekomendasaun
- Husu orgaun kompotente hodi tau atensaun ba kondisaun infrastruktura bazika hanesan estrada iha suco Hohorai ho nia aledia sira.
- Husu autoridade kompotente halo kontrusaun estrada husi aldeia Hatu-Ermera suco Hohorai ne’ebe liga direta ba iha aldiea Leubtun suco Mantelo laun Postu Administrativa Metinaro atu nune’e bele fasilita komunidade sira lori produtu local ba faan iha mercado Metinaro no Hera.
Konkluzaun
Dezenvolvimentu infraestrutura baziku ne’ebé diak nudar xave ida hodi promove konetividade, fasilita distribuisaun sasán sira, no estimula kreximentu ekonómiku suco ida nian.
Infraestrutura mak nudar papél krusiál ida husu fasilidade báziku sira tantu fíziku hanesan estrada, ponte, no eletrisidade, saude, edukasaun no la’ós fíziku hanesan rede telekomunikasaun sira nu’udar fundasaun prinsipál ida atu lori dezenvolvimentu ekonomia no hadi’a bem-estar povu nian.
Hakerek : Equipa Formado/a Sentru Informasaun Suco Dijital (SISD) Suco Hohorai
Editor : Equipa formando Jornal Parede Dijital (JPD) DNDM-SEKOMS
