Hohora, Labarik nain tolu lori masa sinco litru lubuk ida ba buka be’e mos. Kondisaun ida ne’e akontese tanba be’e mos ne’ebe komunidade sira asesu lor-loron la sufiensiente hodi responde ba nesesidade lor-loron nian, Tersa, 06/08/2026. (Foto/Ekipa SISD-Hohorai)
SISD-HOHO-RAI, 06 AGOSTU 2026 – Kuaze familia uma kain hamutuk limanulo maka to’o oras ne’e menus asesu ba be’e mos iha Suku Hoho-Rai.
Renaldo Amaral Soares, Lia Nain Suku Hoho-Rai ba Ekipa Sentru Informasaun Suku Dijital Hoho-Rai, Tersa (05/08) semana ne’e haktuir kuaze familia uma kain hamutuk limanulo iha Aldeia rua maka hanesan Aldeia Miri-Huhun no Aldeia Hatu-Ermera maka to’o oras ne’e sei menus asesu ba be’e mos.
“Agora daudaun hasoru difikuldade atu asesu ba be’e mós, tanba fonte be’e ne’ebé durante tempu udan bele uza, maibé bainhira tama tempu bailoron be’e la sufisiente, ida ne’e akontese bainhira akontese desastre natutais iha 4 de Abril 2021, hodi halo estragus ba kanalizasaun be’e mos nian, hodi nune’e afeta ba komunidade sira asesu ba be’e mos la ho permanente, tenik Lia Nain Hoho-Rai.
Ho preokupasaun komunidade husi aldeia rua nian konaba menus asesu ba be’e mos, Lia Nain Suku Hoho-Rai ne’e sei hato’o bai ha Xefi Aldeias no Xefi Suku atu bele halo proposta ou pedido ba parte relevante sira hodi tau atensaun no kosiderasaun hodi responde ba preokupasaun komunidade sira nian.
Tanba ne’e, Renaldo husu ba komunidade sira liu-liu ba familia uma kain limanulo atu pasiensia hodi hein tanba preokupasaun komunidade parte Autoridade local sira sei buka solusaun nune’e komunidade bele asesu ba be’e mos ho normal.
Hakerek Nain : Grupu II – Ekipa SISD-Hoho-Rai
Editor : Ekipa JPD – SEKOMS
